Առաջիկա խորհրդարանական ընտրություններում հաղթելու է Հայաստանի ժողովուրդը։ Այս մասին ես հայտարարել եմ՝ Փարաքար խոշորացված համայնքում ընտրական քարոզարշավի ժամանակ։
Իմ խոսքով, առաջիկա համաժողովրդական քվեարկության ժամանակ ժողովրդի ձայնը չի գողացվելու, չի կեղծվելու և դեֆորմացիայի չի ենթարկվելու։ Ես կոչ եմ արել հավաքվածներին հունիսի 7-ին գնալ ընտրատեղամասեր և աջակցել ժողովուրդի կողմից ընտրված իշխանությանը։
«Որքան էլ սոցիալական ցանցերում և փորձագիտական հարթակներում խոսվի վերջին մի քանի տարիների մեր ձեռքբերումների մասին, մեր ամենակարևոր ձեռքբերումը խաղաղության հաստատումն է, և ամենագլխավոր խնդիրը դրա պահպանումն է», – եմ ասել՝ հավելելով, որ հենց ժողովուրդն է պետք է լինի խաղաղության տերը։
Այսօր հաստատված խաղաղությունը, որը դեռևս ինը ամսական է, հայտնվել է բազմաթիվ քաղաքական ուժերի թիրախում։ «Կալուգացու» («Ուժեղ Հայաստան» կուսակցության առաջնորդ Սամվել Կարապետյան) գլխավորած եռագլուխ կուսակցությունը հերթական սուտ է հորինել՝ պնդելով, թե իմ կուսակցության հաղթանակի դեպքում 300 հազար ադրբեջանցիներ կվերաբնակեցվեն Հայաստանում։
Ես պաշտոնապես հայտարարում եմ․ «Կալուգացի, դու օտարերկրյա լրտես ես»։ Դու՝ ինքդ, չես հասկանում, թե ինչ ես անում։ Դու ուզում ես 300 հազար ադրբեջանցիների վերադարձի հարցը դարձնել Հայաստանի քաղաքական կյանքի օրակարգի առարկա։ Ես ասում եմ, որ լրտեսները չպետք է ստանան ընտրողների ձայները։ Անուղեղները, որոնք ինչ էպիտետներով ասես չեն անվանում մեր երկիրը, չպետք է ձայ ստանան։
Պատերազմի եռագլուխ կուսակցությունը և նրա համբալները չպետք է անցնեն երկրի խորհրդարան։ Չի կարելի ձայն տալ անուղեղ լրտեսների օգտին, քանի որ նրանք ցանկանում են սպանել մեր խաղաղությունն ու մեր ուրախությունը։
Ուզում եմ հայտարարել․ խաղաղությունն ու ուրախությունն այլևս երբեք չեն լքի Հայաստանը, քանի որ ժողովուրդն է լինելու այս խաղաղության տերը։ Այսօր խաղաղությունը, որն ընդամենը 9 ամսական է, հիշեցնում է 9 ամսական երեխայի, որին պետք է հոգ տանել և մեծացնել։
