Հայաստանի Հանրապետության պետական եկամուտների կոմիտեի (ՊԵԿ) հետաքննության և օպերատիվ հետախուզության վարչությունը հարկային իրավախախտումների և տնտեսական հանցագործությունների դեմ պայքարի շրջանակում, արտարժույթի առուվաճառքով զբաղվող անձանց նկատմամբ իրականացրած համալիր միջոցառումների արդյունքում բացահայտել է մի քանի լուրջ խախտումներ։
Հետաքննության ընթացքում պարզվել է, որ երեք սահմանափակ պատասխանատվությամբ ընկերություն, չունենալով ՀՀ կենտրոնական բանկի կողմից արտարժույթի առուվաճառք իրականացնելու լիցենզիա, համակարգված կերպով իրականացրել են այդ գործարքներ։ Ընկերությունների գործունեության վերաբերյալ ձեռք բերված փաստական տվյալների հիման վրա ՀՀ Հարկային օրենսգրքի 407-րդ հոդվածի խախտման փաստի վերաբերյալ կազմվել են արձանագրություններ, որոնք ուղարկվել են ՊԵԿ-ի իրավաբանական վարչություն՝ վարչական պատասխանատվության հարցը քննարկելու նպատակով։ Բացի այդ, հանցագործության մասին հաղորդումներ են ներկայացվել նաև Քննչական կոմիտե՝ քրեական վարույթներ նախաձեռնելու հարցը քննարկելու համար։
Այլ դեպքերում անհատ ձեռնարկատեր «Գ․Դ․»-ն 100․000 դրամը գերազանցող գործարքներ իրականացնելիս չի պահանջել հաճախորդի անձը հաստատող փաստաթուղթ և գործարքը ձևակերպել է իր որդու անձնագրով՝ խախտելով ՀՀ կենտրոնական բանկի կողմից սահմանված կարգի պահանջները։
Արտարժույթի փոխանակման կետերից մեկի աշխատակիցն էլ հաճախորդի անձը հաստատող փաստաթուղթը չպահանջելու նպատակով 100․000 դրամը գերազանցող գործարքը բաժանել է երկու մասի, ինչը նույնպես խախտում է օրենսդրական պահանջները։
Անհատ ձեռնարկատերեր «Ա․Մ․», «Հ․Հ․» և «Հ․Ղ․» անուններով անձինք, խախտելով «Արժութային կարգավորման և արժութային վերահսկողության մասին» ՀՀ օրենքի համապատասխան հոդվածները, իրականացրել են արտարժույթի փոխանակման գործարքներ՝ չտրամադրելով սահմանված կարգով, ձևով և պայմաններով անդորրագրեր։
Հետևաբար, երկու ընկերություն թաքցրել է շուրջ 60 մլն դրամի հարկվող շրջանառություն, ինչի արդյունքում պետական բյուջե չի վճարվել 11 մլն դրամ հարկ։ ՊԵԿ-ի միջոցառումների շրջանակում վերոնշյալ ընկերությունները վերականգնել են պետությանը պատճառված վնասը։
ՊԵԿ-ն հորդորում է արտարժույթի առուվաճառքով զբաղվող բոլոր անձանց՝ սրբազան պահպանել արժութային հարաբերությունները կարգավորող օրենքների և դրանց հիման վրա ընդունված իրավական այլ ակտերի պահանջները։ Քաղաքացիներին էլ կոչ է անում պահանջել արտարժույթի առք ու վաճառքի գործառնությունները հավաստիացնող անդորրագրեր՝ իրենց իրավունքները պաշտպանելու համար։
ՀՀ կենտրոնական բանկին էլ տրամադրվել են ձեռք բերված տեղեկությունները՝ խախտումներ թույլ տված անձանց նկատմամբ պատասխանատվության հարցը քննարկելու նպատակով։
