Հայաստանի Ազգային ժողովի 9-րդ գումարման փոխխոսնակների պաշտոնի համար թեկնածուներ են առաջադրվել երկու պատգամավոր՝ Հայկ Կոնջորյանը և Վահագն Ալեքսանյանը։
Այս մասին հայտնի դարձավ վարչապետ Նիկոլ Փաշինյանի կողմից՝ իր պաշտոնական ֆեյսբուքյան էջում։ Ըստ հրապարակման՝ որոշումը կայացվել է «Քաղաքացիական պայմանագիր» կուսակցության վարչության նիստի ընթացքում։
Թեկնածուների ընտրությունը տեղի է ունեցել ներկուսակցական քվեարկության միջոցով, որի արդյունքում վարչության անդամները որոշեցին առաջադրել հենց այդ երկու անձանց։
Ավելի վաղ նույն եղանակով, ներկուսակցական քվեարկության արդյունքում, ԱԺ նախագահի պաշտոնի թեկնածու էր ընտրվել ԱԺ ներկայիս փոխխոսնակ Ռուբեն Ռուբինյանը։
