Այսօր Ռուսաստանի դեսպան Սերգեյ Կոպիրկինը ծանոթացել է Ռուս-հայկական հումանիտար արձագանքման կենտրոնի (ՌՀՀԱԿ) աշխատանքին՝ Ռուսաստանի արտակարգ իրավիճակների փոխնախարար Վյաչեսլավ Բուտկոյի գլխավորած պատվիրակության Հայաստան այցի շրջանակում։
Ռուսական պատվիրակությունը հետևել է երկու երկրների փրկարարների կողմից կազմակերպված համատեղ վարժանքներին։ Վարժանքների ընթացքում փրկարարները մշակել են գործողություններ՝ ուղղված քիմիապես վտանգավոր օբյեկտում և նավթարդյունաբերության ձեռնարկությունում տեղի ունեցած վթարի վերացմանը, ինչպես նաև տուժածներին տարհանելուն՝ օգտագործելով հատուկ տեխնիկա։
Ռուսաստանի և Հայաստանի պրոֆիլային մասնագետների համատեղ գնահատմամբ՝ Կենտրոնի աշխատակիցների որակավորման մակարդակը, կադրերի պատրաստման համակարգը և նյութատեխնիկական հագեցվածությունը բարձր են։ Այս գործոնները ապահովում են հրշեջների և փրկարարների գործնական հմտությունների հաջող մշակումը։
«Տպավորված եմ Կենտրոնի եզակի ենթակառուցվածքով։ Այստեղ ստեղծված են բոլոր անհրաժեշտ պայմանները փրկարարների և բժիշկների վերապատրաստման և որակավորման բարձրացման համար՝ ամենատարբեր իրավիճակներում արդյունավետ գործելու նպատակով», – նշել է դեսպանը։
ՌՀՀԱԿ-ը հիմնադրվել է 2015 թվականին՝ ապահովելու հումանիտար արձագանքը Հայաստանում և այլ երկրներում տեղի ունեցող արտակարգ իրավիճակներին։ Կենտրոնի ակտիվում են Հայաստանի, Սիրիայի և Իրանի տարածքներում հումանիտար օգնության և արտակարգ իրավիճակների հետևանքների վերացման մի շարք հաջող գործողություններ։
